Во текот на животот, секој поединец се стреми да обезбеди добри животни услови за себе, своето семејство и заедницата. Но, кога доаѓа староста, многу граѓани се соочуваат со предизвици и често се приморани да се преселат во старски домови, каде разочарувањето често го заменува спокојството и грижата.
Законот за социјална и здравствена заштита денес нуди поповолни можности за постарите лица. Повеќе нема потреба да го напуштате својот дом, ниту вашите деца да се откажуваат од работата за да се грижат за вас. Министерството за социјална политика, преку законски измени, обезбедува домашна нега и грижа во сопствени услови.